Description

Einband leicht berieben, insgesamt etwas vergilbt, sonst guter Zustand. - PRAEFATIO: Sexaginta circiter anni fluxerunt, postquam novissima Francisci Eyssenhardtii editio operis Martiani Minnei Felicis Capellae de nuptiis Philologiae et Mercurii apparuit, qui post tantum intervallum idem opus edendum sibi proposuerit, ei rem paene de integro agendam fuisse nemo erit, qui sibi non persuaserit, imprimis autem quattuor rerum praecipua cura adhibenda erat, primum enim nimio plus adhuc firma fidaque codicum manuscriptorum fundamenta desiderantur, deinde auctorum a Martiano Cap. vel exscriptorum vel inspectorum diligens accurataque collatio iamdudum requiritur, tertium optandum erat, ut loci similes aliorum auctorum ut in scriptore ad explicandum tam difficili et intricato quam plenissime colligerentur, denique anteriorum editionum lectiones ordinate et ratione caute instituta respiciendae et eligendae erant, quae quattuor proposita si qui rei criticae officio fungentur me ad finem idoneum perduxisse non negabunt, ad effectum consiliorum meorum milii videbor pervenisse, virorum deinde doctorum animadversiones et libelli ad Martiani opus pertinentes non adeo multi quidem, qui interim publici iuris facti sunt, diligenter colligendi et perpendendi erant, ne nova editio iam ab initio iisdem claudicaret vitiis quibus anteriores, etenim ne editio quidem, quae viris doctis omnino probari possit, adhuc exstat.

Lingue: la